بطاطس بالخضار

وصفة: Doaa Moukhtar و سو أسامة

البطاطس بالطريقه العظيمة دى كان فيه حد هنا عاملها و أنا عملتها و طلعت بالشكل ده
لو البطاطس كانت أى حاجه غير إنها كارب كنت هاكلها بالطريقه دى فطار و غدا و عشا 😄
وقتها كنت هقدر أكون ١٠٠٪ PBD 😃

🔴 الطريقة :
- أول حاجه غسلت البطاطس كويس أوى
- و بعدين دخلتها فرن بقشرتها فى درجة حراره عاليه تتشوى
- بعد كده طلعتها من الفرن و فتحتها نصين بس مفصلتش النصين عن بعض (و هى لسه سخنه)
- بالسكينه و معلقه خرجت البطاطس من القشره و أخدتها فى طبق و ضيفتلها توابل (زعتر،ثوم باودر،فلفل اسود،بابريكا) و خضار (فلفل أحمر و أصفر و أخضر و زتون إسود) و معلقه كبيره لبن جوز هند
- خلطهم بشوكه مع بعض و بعدين رجعتهم لقشرة البطاطس تانى (استعملت القشره الناشفه كطبق يعنى)
- زودت على وشها بس معلقه لبن جوز هند و دخلتها فرن تحت الشوايه بس حوالى ١٠ دقايق أو أقل و طلعت بالشكل ده

و مطابقه للمواصفات