طريقة عمل زبدة الفول السوداني في البيت

وصفة: سو أسامة

دى زبدة فول سودانى .. آاه الموضوع مش جديد بس تشجيع للناس أكتر إنها تجربها 😃
كل اللى هنحتاجه سودانى متحمص بدون ملح هنقشره و هنضربه فى الكَبّه أو Food Processor
بدون إضافة أى زيوت ، هنضرب شويه هنلاقى السودانى بيتكسر و بيلزق على الجوانب ، هنفتح الكَبه و ننزله من الجوانب شويه بشويه هيكون بدأ يخرج الزيوت الطبيعيه اللى فيه و يتحول لكريمه و حسب لو إنتوا عايزينه كريمى أوى هتستمروا فى الضرب و لو عايزينه Crunchy يعنى بقطع سودانى صغيره هتوقفوا ضرب .. كده هيكون عندكم زبدة فول سودانى بدون أى إضافات

فيه إضافات إختياريه حسب رغبتكم :
- كاكاو خام طبيعى ١٠٠٪ بدون سكر
- قرفه
- زبيب
* اللى فى الصوره عملتها بالكاكاو و قرفه فقط