مقارنة بين هذا النظام وغيره من الأنظمة النباتية

بقلم: Au Ber Gine

قبل ما نشرح إيه هو النظام بالتفصيل محتاجين الأول نقارن بين النظام ده وأنواع تانية نباتية برضه. فيه مصطلحات كتير اليومين دول وفيهم شبه كبير من الPBD، بس كلهم مع ذلك مختلفين جداً. ده مش معناه انك محتاج تصنف نفسك وتلتزم بالطريقة اللي اخترتها دي بالمللي: المصطلحات دي بس علشان تساعدك تفهم الفرق بين الأساليب الغذائية النباتية، وعلشان تعرف بوقف البلانت بيزد بالضبط بين الأساليب الأخرى.

• الـ plant-based بيعتمد على الفواكه والخضروات والحبوب والبقول والمكسرات والبذور بلا أي منتجات حيوانية. يعتبر الـ pbd هو نفس الـ vegan بس أكثر مرونة في الفترة الانتقالية، بهدف إنك مع الوقت توصل ل١٠٠٪ نباتي.
• الـ vegan وده اللي مابياكلش أي حاجة جاية من حيوان، سواء أسماك طيور زواحف ثدييات أو حشرات. ومش بس لحومها لأ كمان أي منتج معمول عن طريق حيوان زي منتجات الألبان والبيض والعسل. ومابيتوقفش الأمر عند الأكل بس، دول حتى بيمتنعوا عن استخدام أي حاجة مصنوعة من جلد طبيعي أو فرو حيوانات، لأهداف إنسانية.
• الـ fruitarian هو الvegan اللي أغلب أكله فاكهة.
• الـraw vegan اللي مابيطبخش أي حاجة (يابخت مراته) من المزرعة على بؤه على طول. وده بيعتمد غالباً على بعض أنواع الفواكه والخضار المجفف.
• الـ vegetarian وده النباتي الندل. الوحيد اللي بيسمح لنفسه يستهلك بيض ولبن. بيخم يعني.
• الـ Pescatarian هو الشخص اللي مابياكلش لحوم لكن بياكل أسماك
• الـ flexitarian بقى البرنس اللي بيستهبل وياكل لحوم وأسماك كل فترة اللي لا هو معانا ولا علينا.