التبولة

وصفة: هبة شحادة

التبولة من الأكلات الممتازة في النظام النباتي وولادي وجوزي بيحبوهافيها برغل وطبعاً أساسها البقدونس اللي فيه فيتامين C, K , A وبينزل ضغط الدم وبيرفع مناعة الجسم وبيخلص الجسم من السوائل الزيادة فبيساعد الكلى تشتغل أفضل. وفي كمان ٣٤٪ بروتين. بحاول ألاقي أفضل طريقة للتعويض عن زيت الزيتون والملح في الوصفة. هاجرب السماق.

تيجيبي كام ربطة بقدونس (احنا الربطة عندنا صغيرة) بعمل ٥ ربطات عشان احنا ٧ أشخاص!
المهم... تغسلي البقدونس كويس وتفرديه على حاجة نضيفة ينشف حوالي نص ساعة مثلا
بيتقطع ناعم قوي يعني أخشن شوية من الملوخية. وبتقطعي معاه شوية نعناع أخضر وبصل أخضر وطماطم تبقى مش مستوية ولا طرية. قطعيهم صغير. وبتعصري ليمون مثلا عالكمية دي بحط ليمونتين كبار (ما عندناش هنا ليمون بنزهير زي في مصر) وبننقع في عصير الليمون معلقتين أكل برغل ناعم (بغسله الأول) بيفضل منقوع في الليمون حوالي نص ساعة.
بعدين بتخلطي كل حاجة مع بعض وبترشي رشة فلفل أسود.
بما انه الوصفة فيها زيت وملح ممكن نحاول نجرب نستبدل الملح بالسماق مثلآ.
الخس كمان حلو جنبها بس من غير تقطيع