الملح في النظام

بقلم: باسم يوسف

الملح ضرره اقل من السكريات و الدهون الحيوانية طبعا. لكن انت فعلا مش محتاجه. عارف انت متعود على الملح ليه؟ عشان بعد سنين طويلة من التعود على اكل الملح و السكر حواس التذوق عندك بقت blunted مابقتش بنفس احساسها. حتة اللحمة لو ما اتشوحتش و اتملحت و اتحط عليها خمسين حاجة مالهاش طعم. الموضوع تدريجي. بعد شهر كده حتلاقي نفسك بتستطعم الخضار و الاكل الصحي اللي كان في رايك قبل كده مالوش طعم، حواس التذوق عندك حيحصلها reset. احساس الصداع و الهبوط اللي الناس بتعاني منه بعد توقيف القهوة و السكر و الملح كلها اعراض كاذبة و هي عبارة عن اعراض انسحاب (withdrawal) . و الله الموضوع ادمان مش اكتر. زي اول يومين في رمضان و بعدين الدنيا بتمشي عادي. الموضوع مسألة وقت. لو الملح حيخليك تاكل الاكل الصحي ماشي، مالهاش لازمة تتعذب. قدام مش حتحتاجه