زبادي نباتي

وصفة: أسامة خليل

طب حد وحشه الزبادي؟ ما تيجوا نعمله😍؟
بسيط جدا..هنجيب لتر لبن نباتي من اللي عندنا..لوز..صويا..اللي تحبوه..ممكن نخلط نوعين لبن زي لبن اللوز و لبن جوز الهند...حابين تحطوا فانيليا ميضرش برضه
هنسخنه على النار لغاية ما يدفي ..يعني يبقى زي حرارة الجسم بحاجة بسيطة.. سمعت نصيحة مش متاكد من صحتها ان تسخين البان المكسرات بيدمر الاوميجا3 فيها..لو خايفين من كده لما تعملوا لبن المكسرات حطوا مية دافية من الاول.
هنكون محميين الفرن نص ساعة..اللبن الدافي هنزودلة 3 معالق زبادي عادي -دي الخميرة البادئة بعد كده ممكن ناخد من الزبادي النباتي و نعمله خميرة لما نعمل الزبادي النباتي من تاني- نخلطهم فيه كويس نقفل الحلة و ناخدها نحطها في الفرن و نسيبها 6 ساعات.
بعد ما تعدي المدة هنخرج الحلة هنلاقيها عملت زبادي لكن هيكون مرق شوية عن الزبادي العادي..هناخده نحطه في قماش شاش او مصفاة ناعمة اوي و نسيبه يصفي المية..مبروك كده عندنا زبادي بيتي نباتي..