الكبسة النباتية

وصفة: Lorelei Russell

حاجة بجد فوق الرائعة
أنا فعلًا فعلًا منتشية بالطعم، وبالطبع هي في قايمة أحسن الحجات اللي كلتها من ساعة ما ابتديت
وانا بحب الكبسة أصلا ومشهورة بإجادتي لطبخها، كنت متوقعة فرق عنيف في الطعم بما إنها بدون ملح ولا تصفير بصل ولا تسبيك طماطم ولا تحميص مكسرات
لكن فعلًا والله ما ببالغ.. بجد رائعة
أنا كنت مخنوقة مودي اتضبط لما كلتها 😂

بالنسبة للطريقة:

كباية الرز البسمتي عليها كبايتين ماية مغلية
لازم مغلية
معاهم: طماطمتين مقطعين أو مضروبين في الخلاط، بصلة متوسطة، شوية زبيب، بهارات الكبسة، وللتجويد ممكن لمونة مجففة، ورقة لورا وعود قرفة صغير
كله مع بعضه عالنار، بدون تشويح ولا غيره، لحد ما الرز يشرب الماية ونقوم موطيين وسايبنه يكمل سوا
نكسر شوية كاجو ولوز، ونرشه على الوش
يتقدم معاه صوص عبارة عن طماطم مقطعة صغير معاها فلفل حلو احمر او أصفر، مقطع صغير برده، ومتبلين بتوم مهروس فلفل أسود وخل